„Eðlilega fannst mér við töluvert betri í fyrri hálfleik, við erum 3-0 yfir þegar það er stutt í hálfleikinn. Við fáum á okkur mark á síðustu sekúndunni sem gerir þetta aðeins erfiðara. En við höfðum alveg fulla trú á að við myndum skora fleiri og ná að setja þetta í framlengingu eða vinna þetta. Þannig ég er bara hrikalega ánægður með liðið í dag."
Lestu um leikinn: Keflavík 2 - 3 ÍR
Sagði Árni Freyr Guðnason þjálfari ÍR eftir að liðið hans vann Keflavík 3-2 í dag. ÍR tapaði hinsvegar fyrri leiknum 4-1 og þeir komast þá ekki í úrslitaleikinn í umspilinu.
„Við töluðum um það að við ætluðum að reyna að ná marki fyrsta korterið. Þegar að fyrsta markið kom þá kemur skjálfti í hina, við vorum meðvitaðir um að það gæti gerst þannig við lögðum mikla áherslu á að ná marki í byrjun og setja leikinn upp í loft. Það virkaði vel, en hrós á Keflavík að hafa komið til baka. Ég bara óska þeim til hamingju að vera komnir áfram."
ÍR-ingar voru gríðarlega sterkir í fyrri hálfleik en voru ekki jafn sterkir í seinni. Það varð þeim á endanum að falli.
„Fljótt á litið held ég að það hafi farið gríðarleg orka í fyrri hálfleikinn. Planið var að leggjast aðeins til baka eftir fyrstu 20 mínúturnar, en mér fannst við vera bara með þá. Þannig við fórum á þá og komumst í 3-0. Ég held að við höfum kannski eytt of mikiklli orku, svo fáum við höggið að fá markið á okkur. Svo skiptir Keflavík tveimur frábærum leikmönnum inn á í hálfleik og styrkja liðið sitt. Þannig þetta hefur bara verið samspil af mörgum þáttum."
Viðtalið má sjá í heild sinni í spilaranum hér fyrir ofan.
