Spænska félagið Real Betis er á leið í viðræður við Manchester United um að halda brasilíska vængmanninum Antony á láni út næsta tímabil.
Antony hefur verið algerlega framúrskarandi síðan hann kom til Betis á láni frá United í janúar.
Hann hefur komið að átta mörkum í La Liga og Sambandsdeildinni eftir að hafa gengið í gegnum dimma dali hjá United.
Spænski miðillinn ABC segir að Betis sé svo ánægt með spilamennsku Antony að það sé nú á leið í viðræður við United um að halda honum á láni í eitt tímabil til viðbótar.
Betis er tilbúið að greiða launapakka hans hjá United.
Antony hefur hjálpað Betis í baráttunni um Meistaradeildarsæti en liðið er átta stigum frá sætinu fyrir endasprettinn í deildinni.
Athugasemdir
