Franski markvörðurinn Illan Meslier er genginn í raðir Leeds United og búinn að skrifa undir þriggja ára samning við félagið.
Meslier kom til Leeds að láni í janúar og hefur reynst lykilmaður í titilbaráttunni. Leeds vann Championship deildina undir stjórn Marcelo Bielsa og mun spila í úrvalsdeildinni í haust, í fyrsta sinn síðan 2004.
Meslier er aðeins tvítugur og á leiki að baki fyrir U18, U19 og U20 landslið Frakka.
Meslier fékk aðeins fjögur mörk á sig í tíu deildarleikjum hjá Leeds og kostar félagið rétt rúmar 5 milljónir punda.
Athugasemdir
