Anna Björk Kristjánsdóttir mun ekki spila meira með Val í sumar þar sem hún á von á barni eftir áramót.
Anna Björk lék lykilhlutverk í varnarlínu Vals á fyrri hluta tímabils en hefur ekki spilað fótboltaleik síðan í lok júní.
Anna er fædd 1989 og á 45 A-landsleiki að baki fyrir Íslands hönd, en hún lék meðal annars fyrir Le Havre og Inter áður en hún hélt heim til Vals.
Hún ólst upp hjá Stjörnunni en hefur einnig leikið fyrir Selfoss, Örebro, Bunkeflo og PSV Eindhoven á glæsilegum ferli.
Athugasemdir
