Burnley hafði betur gegn Millwall í enska deildabikarnum í kvöld og staðfesti Sean Dyche í viðtali að leikslokum að Dale Stephens er á leið til félagsins.
Stephens er 31 árs miðjumaður sem gengur í raðir Burnley eftir sex ár hjá Brighton.
Stephens hefur verið mikilvægur hlekkur í liði Brighton undanfarin ár og spilaði 33 deildarleiki á síðustu leiktíð.
Stephens tekur stöðu Jeff Hendrick í hópi Burnley, en Hendrick skipti yfir til Newcastle á frjálsri sölu fyrr í sumar.
„Dale kemur inn í hópinn með mikla reynslu og yfirvegun. Hann á eftir að smellpassa inn í hópinn og gera frábæra hluti hér," sagði Dyche eftir sigurinn gegn Millwall.
Athugasemdir