Dybala er 28 ára gamall og verið á mála hjá Juventus síðustu sex ár eða frá því hann kom frá Palermo.

Hann var nálægt því að ganga í raðir Tottenham fyrir tveimur árum en ekki náðist samkomulag um ímyndarrétt hans.

Juventus var þá reiðubúið að losa sig við hann en hlutverk hans er nú breytt og sér félagið hann sem lykilmann til framtíðar. Samningur hans rennur út næsta sumar og hafa samningaviðræður um nýjan samning verið í gangi í fleiri mánuði.

Romano segir samkomulag nú í höfn og mun hann þéna 10 milljónir evra í árslaun. Juventus mun tilkynna samkomulagið á næstu dögum og er samningurinn til næstu fimm ára.