Öllum leikjum kvöldsins er lokið í undankeppninni fyrir Evrópumót næsta árs. Í heildina voru spilaðir 8 leikir þar sem stórveldi Frakklands rúllaði yfir hollenska landsliðið með fjórum mörkum gegn engu.
Kylian Mbappe skoraði tvennu í leiknum og er þar með orðinn fimmti markahæsti landsliðsmaður Frakklands frá upphafi - og er aðeins þremur mörkum frá því að jafna Michel Platini í fjórða sæti.
Antoine Griezmann, sem er þriðji markahæstur í sögunni, komst einnig á blað í sigrinum þægilega. Memphis Depay klúðraði vítaspyrnu fyrir Holland undir lokin.
Þar var ekki mikið um óvænt úrslit í leikjum kvöldsins þar sem Romelu Lukaku setti þrennu er Belgía fór létt með Svíþjóð.
Frændur okkar frá Færeyjum náðu þá jafntefli í Moldóvu og voru óheppnir að vinna ekki leikinn. Heimamenn í Moldóvu gerðu jöfnunarmark úr vítaspyrnu á lokakaflanum, eftir að Mads Mikkelsen hafði komið Færeyingum yfir í fyrri hálfleik.
Marcel Sabitzer skoraði tvö og lagði upp í flottum sigri Austurríkis gegn Aserbaídsjan á sama tíma og Tékkar lögðu Pólverja að velli þökk sé tveimur mörkum á upphafsmínútum leiksins.
Búlgaría tapaði þá heimaleik fyrir Svartfjallalandi og Serbía hafði betur gegn Litháen þar sem Dusan Tadic og nafni hans Dusan Vlahovic sáu um markaskorunina.
B-riðill:
Frakkland 4 - 0 Holland
1-0 Antoine Griezmann ('2 )
2-0 Dayot Upamecano ('8 )
3-0 Kylian Mbappe ('21 )
4-0 Kylian Mbappe ('88 )
4-0 Memphis Depay ('90 , Misnotað víti)
Gíbraltar 0 - 3 Grikkland
0-1 Giorgos Masouras ('11 )
0-2 Manolis Siopis ('45 )
0-3 Anastasios Bakasetas ('58 )
E-riðill:
Tékkland 3 - 1 Pólland
1-0 Ladislav Krejci ('1 )
2-0 Tomas Cvancara ('3 )
3-0 Jan Kuchta ('64 )
3-1 Damian Szymanski ('87 )
Moldóva 1 - 1 Færeyjar
0-1 Mads Mikkelsen ('27 )
1-1 Ion Nicolaescu ('86 , víti)
F-riðill:
Svíþjóð 0 - 3 Belgía
0-1 Romelu Lukaku ('35 )
0-2 Romelu Lukaku ('49 )
0-3 Romelu Lukaku ('83 )
Austurríki 4 - 1 Aserbaídsjan
1-0 Marcel Sabitzer ('28 )
2-0 Michael Gregoritsch ('29 )
3-0 Marcel Sabitzer ('50 )
3-1 Emin Mahmudov ('64 )
4-1 Christoph Baumgartner ('69
G-riðill:
Búlgaría 0 - 1 Svartfjallaland
0-1 Nikola Krstovic ('70 )
Serbía 2 - 0 Litháen
1-0 Dusan Tadic ('16 )
2-0 Dusan Vlahovic ('53 )
