„Við gefum þeim tvö mörk í byrjun og vorum heppnir að þeir brenndu af víti en svo komum við okkur inn í leikinn. Þá fórum við að spila okkar leik og vorum betra liðið ef eitthvað var," sagði Jón Sveinsson, þjálfari Fram, eftir tap gegn Breiðabliki á sunnudag.
Fram hafði komið til baka úr stöðunni 2-0 og 3-2 á Kópavogsvelli en Breiðablik skoraði sigurmarkið á lokakaflanum.
Fram hafði komið til baka úr stöðunni 2-0 og 3-2 á Kópavogsvelli en Breiðablik skoraði sigurmarkið á lokakaflanum.
Lestu um leikinn: Breiðablik 4 - 3 Fram
Fram var því ekki langt frá því að ná í stig gegn Blikum sem eru með fullt hús stiga eftir sjö umferðir. Fram hafði lagt Leikni í umferðinni á undan. Nonni var stoltur af liðinu en ætlunin hefði verið að fá stig og það væri hundfúlt að hafa ekki náð því.
Seinna í viðtalinu var hann svo spurður út í karakterinn í liðinu.
„Við erum bara með hörkugott lið og getum spilað á móti hvaða liði sem er. Það er erfitt að fá á sig fjögur mörk leik eftir leik (fjórða sinn í sumar) og þurfa að skora mörg til að vinna leikina. Við þurfum að bæta okkur þar, það er engin spurning en sóknarlega, með boltann, þar erum við mjög sterkir og getum spilað á móti hvaða liði sem er. Við sýndum það í dag á móti líklega besta liðinu í dag."
Albert Hafsteinsson þurfti að fara af velli í leiknum. „Hann fékk aðeins í lærið og við ákváðum að vera ekki að taka neinn séns með það. Það eru margir leikir, spilað þétt og tveir leikir framundan í vikunni," sagði Nonni.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
