Jón Þór Hauksson, þjálfari Vestra, var allt annað en sáttur við spilamennsku síns liðs í 1-2 tapi gegn Selfossi í Lengjudeildinni í dag.

„Þetta voru mikil vonbrigði í dag. Við vorum algjörlega á hælunum og náðum ekki neinum takti í okkar leik. Við komumst aldrei í gang og Selfoss fer héðan með verðskuldaðan sigur," segir Jón Þór.

Lestu um leikinn: Vestri 1 -  2 Selfoss

„Annan leikinn í röð fáum við á okkur klaufalegt víti sem auðveldlega á að vera hægt að koma í veg fyrir. Þetta eru vonbrigði og við þurfum að vera fljótir að koma okkur inn í þetta. Það er gott að það er stutt í næsta leik, við eigum leik strax á miðvikudag."

Þetta var annar leikur Vestra undir stjórn Jóns Þórs en liðið vann nauman sigur gegn Þrótti í síðustu umferð. Vestri siglir lygnan sjó í Lengjudeildinni, liðið situr í sjöunda sætinu.

Selfoss vann gríðarlega mikilvægan sigur í fallbaráttunni og er nú fimm stigum fyrir ofan fallsæti. Dean Martin, þjálfari Selfyssinga, var stuttorður í viðtali eftir leik enda á leið í flug.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit