Lofsamar Tómas og ánægður að fá Sigurð Grétar inn - „Rosalegar framfarir“

Tómas Bent er fæddur 2002 og er á sínu fimmta tímabili með Eyjamönnum.

Miðjumaðurinn hefur gegnt lykilhlutverki í liðinu á þessari leiktíð og verið tvisvar í liði umferðarinnar hér á Fótbolta.net.

„Þetta getur tekið tíma. Hann er búinn að vera þarna í allt sumar og þetta tekur tíma fyrir unga menn að finna taktinn, en hann er svo sannarlega búinn að finna hann í síðustu sjö eða átta leikjum,“ bætti Hermann við um Tómas.

Alltaf baráttuhundur í Sigga

Sigurður Grétar Benónýsson lék þá sinn fyrsta leik á tímabilinu með ÍBV, en hann kom inn á þegar Oliver Heiðarsson meiddist í byrjun leiks.

Eyjamaðurinn fór af velli á 61. mínútu en Hermann sér mikinn mun á honum og er ánægður að fá hann inn. Sigurður spilaði með KFS í 3. deildinni í sumar þar sem hann gerði þrjú mörk í tíu leikjum.

„Jájá, maður hefur séð mun á honum. Hann hefur komið með kraft inn í æfingahópinn síðasta mánuðinn og alltaf baráttuhundur í Sigga. Það er sterkt að fá hann inn í svona leik og bara koma honum í gang,“ sagði Hermann.

Eyjamenn eiga þrjá leiki eftir í neðri hlutanum en liðið er í næst neðsta sæti með 21 stig. Það á eftir að mæta HK og KA á útivelli áður en það mætir Keflavík heima í síðasta leik tímabilsins.