Í leik með U21 landsliðinu á sínum tíma.
Þorleifur Úlfarsson er að snúa til baka eftir meiðsli en síðasta árið hefur verið ansi erfitt vegna meiðsla. Framherjinn er búinn að rifta samningi sínum við Debrecen í Ungverjalandi og er í dag án félags.
Hann getur samið við öll félög þar sem félagaskiptagluggarnir voru opnir þann 14. febrúar en þá náðist samkomulag um riftun á samningi.
Líkur eru á að Þorleifur, sem er 24 ára, komi heim til Íslands en það eru aðrir gluggar opnir fyrir hann, eins og t.d. norski og sænski glugginn og sá bandaríski.
Hann getur samið við öll félög þar sem félagaskiptagluggarnir voru opnir þann 14. febrúar en þá náðist samkomulag um riftun á samningi.
Líkur eru á að Þorleifur, sem er 24 ára, komi heim til Íslands en það eru aðrir gluggar opnir fyrir hann, eins og t.d. norski og sænski glugginn og sá bandaríski.
Þorleifur þekkir vel til í Bandaríkjunum því hann hóf atvinnumannaferil sinn hjá Houston Dynamo í MLS-deildinni árið 2022.
Hann er uppalinn hjá Breiðabliki, sem er í framherjaleit, og verður fróðlegt að sjá hvort hann dúkki þar upp á æfingu.
í stuttu samtali við Fótbolta.net segir Þorleifur að hann sé að nálgast 100% heilsu og stefnan sé að byrja að æfa fótbolta á fullu á næstu vikum.
Athugasemdir
