Aymeric Laporte skoraði sigurmarkið með skalla eftir aukaspyrnu Kevin de Bruyne. Franski miðvörðurinn byrjaði í dag þar sem John Stones var ekki klár í slaginn og hann var hetjan í þessum leik.

City hefur unnið keppnina fjórum sinnum í röð og er Guardiola kominn í hóp með þeim knattspyrnustjórum sem hafa unnið keppnina oftast.

Þetta er ansi góður hópur. Hinir þrír knattspyrnustjórarnir eru Brian Clough, Jose Mourinho og Sir Alex Ferguson.

Mourinho stýrði Tottenham í úrslitin en fékk ekki tækifæri til að vinna þessa keppni í fimmta sinn þar sem hann var rekinn síðasta mánudag.