Gregg Ryder, þjálfari KR, var skiljanlega vonsvikinn eftir 2-2 jafntefli gegn Vestra í dag en liðin mættust á Meistaravöllum í 8. umferð Bestu deildar karla.
Lestu um leikinn: KR 2 - 2 Vestri
„Þetta var ekki frábær frammistaða í fyrri hálfleik. Við þurftum að gera eitthvað aðeins meira og það var það sem við töluðum um í hálfleik. Við gerðum það augljóslega ekki og gáfum þeim tvö mörk sem eru mikil vonbrigði eftir að hafa verið með tveggja marka forystu.“
Vestri fékk vítaspyrnu þegar Guy Smit braut á Silas Songani í vítateig KR.
„Ég þyrfti að sjá þetta aftur. Ég er bara vonsvikinn yfir því sem gerist rétt fyrir vítaspyrnuna. Við náðum ekki að tengja saman sendingar rétt fyrir vítaspyrnuna.“
Benoný Breki átti góðan leik í dag og skoraði tvö mörk í leiknum.
„Hann er frábær leikmaður. Ég held að hann hafi misst smá sjálfstraust í upphafi tímabils. Hann kom inn á móti Stjörnunni og sýndi gæði þar. Síðan þá hefur hann bara vaxið ásmegin.“
Viðtalið má sjá í heild sinni í spilaranum hér að ofan en beðist er afsökunar á vindhljóðunum sem heyrast við og við í myndbandinu.