Enskir fjölmiðlar segja frá þessu í dag. Daily Mail er þar á meðal en þeir segja að Grealish muni ganga í raðir City fyrir 100 milljónir punda eftir EM.

Mail segir að City og Aston Villa séu búin að komast að samkomulagi um risastór félagaskipti.

Þetta verða stærstu félagaskipti í sögu enska fótboltans. Aðrir fjölmiðlar eins og ESPN og Talksport fjalla einnig um málið. Talksport segir að skiptin séu svo gott sem gengin í gegn.

Grealish er 25 ára gamall en hann fór á kostum í ensku úrvalsdeildinni síðustu leiktíð. Hann er mjög tæknilega góður leikmaður sem getur spilað framarlega á miðju og út á kanti.

Talið er að City vilji einnig kaupa Harry Kane frá Tottenham. Ef félaginu tekst að landa bæði Grealish og Kane, þá yrði lið þeirra ótrúlegt á næstu leiktíð.