Guardiola og Klopp hafa ítrekað gagnrýnt bæði UEFA og FIFA síðustu mánuði en þeir hafa verulega áhyggjur af velferð leikmanna sem voru að klár langt tímabil og fóru svo beint í það að spila landsleiki í Þjóðadeildinni. Dagskráin var þétt í Þjóðadeildinni þar sem landsliðin spiluðu mörg hver fjóra leiki á tíu dögum.

Leikjum hefur fjölgað með ári hverju og heldur sú fjölgun áfram eftir tvö ár er ný og endurbætt Meistaradeild verður sett á laggirnar.

Ceferin var í viðtali við Gazzetta dello Sport á Ítalíu og virðist leiður á að heyra kvartið í þjálfurunum. Hann segir að félögin verði að fórna einhverju eins og tildæmis leggja niður eina bikarkeppni og fækka liðum í efstu deild.

„Það er rosalega auðvelt að ráðast alltaf á FIFA og UEFA, en þetta er mjög einfalt mál. Ef þú spilar minna þá færðu minni pening. Fólkið sem getur kvartað er það sem fær 1000 evrur fyrir að vinna í verksmiðjum og þénar töluvert minna."

„Það vilja allir fleiri bikarleiki en enginn virðist tilbúinn að fórna þeim. Félögin vildu tíu leiki í riðlakeppni Meistaradeildarinnar en fá átta, því það er rétta talan."

„Deildirnar í Evrópu eiga að vera með 18 lið en forsetarnir eru ekki sammála. Þeir ættu að skilja það líka að það er alltof mikið að vera með tvær bikarkeppnir," sagði Ceferin.