Þessi öflugi landsliðsmaður El Salvador fékk gult spjald undir lok leiks í 2-0 sigrinum á TNS á fimmtudag fyrir að tuða í dómara leiksins og verður því í banni.

„Pablo er Pablo. Ég sá ekki gula spjaldið en hann fer 'all-in' allan leikinn og er að rífast við dómarana, alla og sjálfan sig í leiðinni. Ef þú tekur þá frá honum þá færðu ekki sama Pablo," sagði Arnar um Pablo.

Einn besti alhliða leikmaður Íslands

Viktor Örlygur sat allan tímann á varamannabekknum gegn TNS en það er gert ráð fyrir því að hann verði í byrjunarliði Víkings á morgun.

„Við hvíldum markahæsta mann okkar frá síðasta tímabili og einn besta alhliða leikmann Íslands í Viktori. Það var erfitt að hvíla þá en það var mikilvægt. Stundum gengur það upp og stundum ekki en það gekk fullkomlega upp."

„Já, ég held að það sé öruggt að hann spili þann leik. Hann er miðjumaður og er í U21. Það er skammarlegt að ég gat ekki notað hann í jafn mikilvægum leik og í kvöld, en hann er Víkingur út í gegn og hann sætti sig við það og verður tilbúinn á þriðjudag," sagði Arnar Gunnlaugsson á blaðamannafundi eftir leikinn gegn TNS.