Stjórn Börsunga hefur þegar ákveðið að sýna Ronald Koeman reisupassann eftir slakt gengi í byrjun leiktíðar en það má búast við fregnum af því á næstu dögum.

Joan Laporta, forseti Barcelona, er mikill aðdáandi Roberto Martinez, sem þjálfaði Swansea, Wigan og Everton áður en hann tók við Belgíu árið 2016.

Samkvæmt Goal.com þá er Barcelona búið að hafa samband við Martinez en formlegar viðræður eru ekki hafnar.

Martinez er með sterk tengsl til Katalóníu og gæti það spilað stóra rullu. Xavi Hernandez, þjálfari Al Ahli, er einnig orðaður við stöðuna.