María Catharina Ólafsdóttir Gros.
Þær eru tvær frá Íslandi sem spila með Fortuna Sittard í hollensku úrvalsdeildinni, en það eru þær Hildur Antonsdóttir og María Catharina Ólafsdóttir Gros.
María Catharina, sem er fædd 2003 og á 46 leiki að baki með Þór/KA í efstu deild, fór til Hollands snemma á þessu ári. Hún er fjölhæfur leikmaður sem hefur komið sterk inn í Hollandi.
María Catharina, sem er fædd 2003 og á 46 leiki að baki með Þór/KA í efstu deild, fór til Hollands snemma á þessu ári. Hún er fjölhæfur leikmaður sem hefur komið sterk inn í Hollandi.
„Hún hefur verið að standa sig mjög vel," sagði Hildur Antonsdóttir í samtali við Fótbolta.net í gær er hún var spurð út í Maríu.
„Það var ekkert smá þægilegt fyrir mig að fá hana í janúar. Það hjálpaði mér mjög mikið og ég vona að ég hafi líka hjálpað henni að komast inn í liðið."
„Hún hefur verið að standa sig mjög vel og hefur verið að bæta sig líka. Hún er með mikla vinnugetu og er að hlaupa langmest í leikjunum okkar. Hollendingarnir meta það mjög mikið."
Hildur segir að María sé mjög efnilegur leikmaður.
„Hún er mjög efnilegur leikmaður. Hún er í U23 landsliðinu núna og vonandi fæ ég hana fljótlega til mín hingað," sagði Hildur og brosti.
Athugasemdir
