„Svekkelsi. Við vorum gríðarlega nálægt þessu í stöðunni 1-1, við vissum alltaf að Argentína myndi klára sinn leik," sagði Gylfi Þór Sigurðsson eftir 2-1 tap gegn Króatíu á HM í kvöld. Íslands er úr leik í Heimsmeistarakeppninni eftir tapið.
„Við erum auðvitað mjög svekktir en getum við stoltir af þessu þó úrslitin hafi ekki verið með okkur."
„Við erum auðvitað mjög svekktir en getum við stoltir af þessu þó úrslitin hafi ekki verið með okkur."
Gylfi skoraði mark Íslands úr leiknum úr vítaspyrnu. Gylfi klúðraði spyrnunni sem hann tók gegn Nígeríu í síðasta leik en hann var öruggur núna, þó spyrnan hafi verið nokkuð svipuð þeirri sem hann tók gegn Nígeríu. Gegn Nígeríu fór boltinn yfir en núna söng hann í þaknetinu.
„Ég verð að taka ábyrgð á þessu. Það gerði þetta svolítið erfiðara að hafa klúðrað síðasta víti fyrir nokkrum dögum en það var gott og þægilegt að hafa komist í gegnum það að skora úr næsta víti."
Markmið strákanna er auðvitað að komast á næstu stórmót.
„Það væri skemmtilegt. Við erum allir sammála um að þetta sé það skemmtilegasta sem við höfum upplifað, að fara á EM og HM. Stefnan er sett á næsta stórmót," segir Gylfi.
„Við erum gríðarlega stoltir að hafa komist hingað og verið í séns að komast áfram á þriðja leikdegi. En við erum líka svekktir og vonsviknir með sjálfa okkur, við hegðum alveg getað farið áfram en svona er þetta bara."
Aðspurður segir Gylfi vonast til þess að Heimir Hallgrímsson haldi áfram með liðið. Viðtalið er í heild sinni í spilaranum að ofan.
Athugasemdir
