Ísland 5 - 0 Kýpur
1-0 Dagný Brynjarsdóttir ('13 )
2-0 Sveindís Jane Jónsdóttir ('20 )
3-0 Karólína Lea Vilhjálmsdóttir ('45 )
4-0 Sveindís Jane Jónsdóttir ('54 )
5-0 Alexandra Jóhannsdóttir ('64 )
Lestu um leikinn
1-0 Dagný Brynjarsdóttir ('13 )
2-0 Sveindís Jane Jónsdóttir ('20 )
3-0 Karólína Lea Vilhjálmsdóttir ('45 )
4-0 Sveindís Jane Jónsdóttir ('54 )
5-0 Alexandra Jóhannsdóttir ('64 )
Lestu um leikinn
Ísland átti í engum vandræðum með slakt lið Kýpur í þriðja leik sínum í undankeppni HM 2023 á Laugardalsvelli í kvöld.
Þetta var skyldusigur fyrir Ísland og stóð liðið fyrir sínu, þó svo að þær hefðu getað skorað fleiri mörk.
Dagný Brynjarsdóttir kom Íslandi yfir á 13. mínútu með skalla eftir frábæran undirbúning frá Amöndu Andradóttur - sem var að byrja sinn fyrsta A-landsleik - og Elísu Viðarsdóttur.
Sveindís Jane Jónsdóttir gerði þriðja mark Ísland þegar hún fór illa með varnarmenn Kýpur á 20. mínútu.
Karólína Lea Vilhjálmsdóttir skoraði mark sem var dæmt af. Dómurinn var mjög ódýr. Karólína lét það hins vegar ekki á sig fá og skoraði aftur áður en flautað var til hálfleiks. Í þetta skiptið var markið metið löglegt. „Guðný með fyrirgjöf, Elísa er fyrst á boltinn sem hrekkur svo fyrir Karólínu sem setur boltann snyrtilega í netið," skrifaði Sigríður Dröfn Auðunsdóttir þegar Karólína skoraði í uppbótartíma fyrri hálfleiks.
Sveindís Jane skoraði þriðja mark Íslands á 54. mínútu. Elísa lagði upp markið. Hún var stórkostleg í vinstri bakverðinum og lagði upp þrjú mörk.
Svo skoraði Alexandra Jóhannsdóttir fimmta markið eftir hornspyrnu frá Amöndu.
Fleiri voru mörkin ekki. Ísland stjórnaði leiknum frá A-Ö og var þetta mjög þægilegur dagur á skrifstofunni.
Ísland er komið upp í annað sæti riðilsins með sex stig eftir þrjá leiki. Holland er á toppnum með tíu stig. Þær hafa spilað leik meira en Ísland.
Sjá einnig:
Sjáðu mörkin: Ísland gerði þrjú í fyrri hálfleiknum
Jájájá, Sveindís Jane skorar sitt annað mark í leiknum og fjórða mark Íslands! pic.twitter.com/dXwOTHuESv
— RÚV Íþróttir (@ruvithrottir) October 26, 2021
Góð hornspyrna frá Amöndu og enn betri skalli hjá Alexöndru Jóhannsdóttur sem kemur Íslandi í 5-0🖐 pic.twitter.com/7XsNV6MLmv
— RÚV Íþróttir (@ruvithrottir) October 26, 2021
Athugasemdir