Ísland er að leika sér að Kýpur í leik sem núna stendur yfir í undankeppni HM kvenna 2023.
Staðan í hálfleik er 3-0 fyrir Íslandi.
Dagný Brynjarsdóttir skoraði fyrsta markið eftir frábæra fyrirgjöf frá Elísu Viðarsdóttur. „Amanda með frábæran undirbúning, snýr af sér varnarmann Kýpur og leggur hann út í hlaupaleiðina fyrir Elísu sem setur hann fyrir og Dagný stangar hann í markið. Glæsileg sókn," skrifaði Sigríður Dröfn Auðunsdóttir í beinni textalýsingu þegar Dagný skoraði.
Sveindís Jane Jónsdóttir skoraði annað markið. Hún fór illa með varnarmenn Kýpur og skoraði með föstu skoti. „Alexandra leggur boltann út til hægri á Sveindísi sem spólar fram hjá bakverði Kýpurs og smyr svo boltann upp í þaknetið, geggjuð afgreiðsla."
Karólína Lea Vilhjálmsdóttir skoraði mark sem var dæmt af. Dómurinn var mjög ódýr. Karólína lét það hins vegar ekki á sig fá og skoraði aftur áður en flautað var til hálfleiks. Í þetta skiptið var markið metið löglegt.
„Guðný með fyrirgjöf, Elísa er fyrst á boltinn sem hrekkur svo fyrir Karólínu sem setur boltann snyrtilega í netið."
Öll þrjú mörkin má sjá hér að neðan. Seinni hálfleikurinn er framundan.
Það hafðist eftir rúmlega 13 mínútur! Dagný Brynjarsdóttir kemur Íslandi yfir gegn Kýpur með stórgóðu skallamarki👊 pic.twitter.com/YLjPrGWMRr
— RÚV Íþróttir (@ruvithrottir) October 26, 2021
SVEINDÍS JANE JÓNSDÓTTIR afgreiðir þennan snyrtilega í markið! 2-0 fyrir Ísland eftir tuttugu mínútna leik🇮🇸 pic.twitter.com/IEdS4zaBMG
— RÚV Íþróttir (@ruvithrottir) October 26, 2021
Karólína Lea Vilhjálmsdóttir kemur Íslandi í 3-0 rétt fyrir hálfleik💥 Staðan góð fyrir Ísland! pic.twitter.com/6tqJBdj6QS
— RÚV Íþróttir (@ruvithrottir) October 26, 2021
Athugasemdir