Ivan Perisic átti fyrirgjöf inn í teiginn sem Emerson Royal skallaði niður og í átt að Kane. Boltinn hafði viðkomu af varnarmanni áður en boltinn barst til Kane og þaðan í netið.

VAR skoðaði atvikið vel og vandlega og komst að þeirri niðurstöðu að dæma markið af. Þar snýst þetta um hvort varnarmaður hafi snert boltann viljandi eða óviljandi.

Regluverkið er orðið ansi flókið en leikmenn Tottenham voru eðlilega svekktir eftir að markið var dæmt af.

Antonio Conte, stjóri Tottenham, var meira en svekktur og reifst heiftarlega við dómarateymið sem varð til þess að hann fékk rauða spjaldið og er nú á leið í bann.

Hægt er að sjá mynd af rangstöðunni hér fyrir neðan en dæmi nú hver fyrir sig.