Franski varnarmaðurinn Axel Disasi hefur náð persónulegu samkomulagi við Aston Villa.
Það er núna undir Villa og Chelsea komið að ná saman til þess að félagaskipti gangi í gegn.
Það er núna undir Villa og Chelsea komið að ná saman til þess að félagaskipti gangi í gegn.
Ítalski íþróttafréttamaðurinn Fabrizio Romano greinir frá þessu en hann hefur einnig fjallað um að Villa sé að reyna að fá argentínska varnarmanninn Juan Foyth frá Villarreal á Spáni.
Disasi er 26 ára miðvörður sem getur einnig spilað í hægri bakverði. Hann hefur aðeins spilað sex úrvalsdeildarleiki fyrir Chelsea á tímabilinu.
Disasi, sem var fenginn til Chelsea fyrir síðasta tímabil, hefur einnig verið orðaður við Juventus.
Athugasemdir
