Varnarmaðurinn Phil Jones var ekki í leikmannahópi Manchester United þegar liðið vann 2-0 sigur gegn Newcastle í úrslitaleik enska deildabikarsins í gær.
Eins og svo oft áður þá er Jones að glíma við meiðsli.
Hann var ekki hluti af hópnum og var þess í stað hluti af teymi Sky Sports í útsendingunni frá leiknum.
Jones hefur ekki spilað í tíu mánuði og ráku margir upp stór augu þegar hann sást við hlið Gary Neville í útsendingunni frá leiknum í gær. Hann er þó ekki hættur í fótbolta og vonast enn til að koma ferlinum aftur af stað.
„Ég er að gera allt sem ég get til þess að komast aftur út á völl," sagði hinn 31 árs gamli Jones í gær. „Það hefur verið erfitt að takast á við allt þetta meiðslavesen. Félagið hefur gert frábærlega fyrir mig og ég er þakklátur fyrir stuðninginn."
Jones er sagður fá um 100 þúsund pund í vikulaun hjá Man Utd en hann er samningsbundinn félaginu út þetta tímabil.
Phil Jones is on Sky’s punditry team for their coverage of the final today.
— Barstool Football (@StoolFootball) February 26, 2023
He is still a registered Man Utd player! ???? pic.twitter.com/DZ6Wrf6cPz
Athugasemdir