„Mér líður mjög vel að fara í nokkura daga frí með töfluna eins og hún er eftir þennan leik." voru fyrstu viðbrögð Eddu Garðarsdóttur eftir sigurleikinn gegn Keflavík í kvöld
Þróttur byrjaði leikinn gríðarlega sterkt og komst liðið yfir eftir 90 sekúndur. Var uppleggið að keyra strax á Keflvíkinga?
„Já það væri mjög skemmtilegt ef þetta hefði verið planað að skora eftir eina og hálfa en við vorum búin að leggja upp með að fara utan á þær og koma inn í teiginn"
Hvernig fannst Eddu leikurinn spilast í kvöld?
„Við vorum með boltann mun meira. Svolítið skrítið að ná ekki að skora fleiri mörk í fyrri hálfleik þannig við stýrðum leiknum svolítið mikið og áttum alveg örugglega fleiri skot en þær á markið.
„Þær breyta um leikaðferð þegar það eru svona korter til tuttugu mínútur eftir og smella bara í fimm fram að þá eðlilega kemur smá panik og þær hefðu alveg geta sett eitt eða tvö jafnvel en sem betur fer náum við að setja eitt undir lokin til þess að róa leikinn og taka stjórnina aftur."
Eru Þróttarar sáttir með uppskeruna eftir 11.leki?
„Uppskeran eftir svona marga leiki já en ég tel okkur eiga slatta inni og höfum verið vaxandi lið. Spilamennskan hefur síbatnandi. Það er ótrúlega flott að vera komin þetta mörg stig núna en eiga samt inni. Þetta er mjög skemmtilegt lið og mjög skemmtilegt mót líka, það geta allir unnið alla einhverneigin."
Viðtalið í heild sinni má sjá í sjónvarpinu hér að ofan.
Athugasemdir