Kjartan Sturluson hefur verið ráðinn markvarðarþjálfari karlaliðs Vals og gerir tveggja ára samning.
Hann kemur því inn í þjálfarateymi Heimis Guðjónssonar í staðinn fyrir Eirík Þorvarðarson sem er hættur þjálfun.
Hann kemur því inn í þjálfarateymi Heimis Guðjónssonar í staðinn fyrir Eirík Þorvarðarson sem er hættur þjálfun.
Síðustu tvö ár hefur Kjartan verið markvarðaþjálfari hjá kvennaliði félagsins.
Kjartan lék yfir 100 leiki með Val á árunum 2005 til 2010 og varð m.a Íslands- og bikarmeistari með félaginu. Hann á að baki sjö landsleiki fyrir Ísland.
„Valur fagnar því að halda þessum reynslubolta innan raða félagsins næstu árin," segir í tilkynningu Vals.
Kjartan mun meðal annars þjálfa Guy Smit en hollenski markvörðurinn er genginn í raðir Vals frá Leikni. Óvissa er með framtíð Hannesar Þórs Halldórssonar.
Athugasemdir