Ísland tók á móti Danmörku í þriðju umferð í Þjóðadeild kvenna. Íslenska liðið sýndi flotta frammistöðu í leiknum en urðu þó að sætta sig við svekkjandi tap fyrir Dönum.
Ísland er með þrjú stig eftir þrjár fyrstu umferðir Þjóðadeildarinnar, á meðan Danmörk trónir á toppi riðilsins með fullt hús stiga - eða níu stig.
Lestu um leikinn: Ísland 0 - 1 Danmörk
„Þetta er gríðarlega svekkjandi en maður reynir að horfa í að frammistaðan var virkilega góð. Ég er gríðarlega stolt af því hvernig við sem lið komum inn í þennan leik og svörum fyrir seinasta verkefni." Sagði Glódís Perla Viggósdóttir fyrirliði Íslenska liðsins eftir leikinn í kvöld.
„Mér fannst við óhræddar. Mér fannst við láta finna fyrir okkur inni á vellinum og það var það sem við töluðum um fyrir leik og mér fannst það skína í gegn nánast allan leikinn."
Margir spekingar haft orð á því að frammistaða Íslenska liðsins í síðustu verkefnum hefur ekki verið góð.
„Við fögum umræðu. Við viljum að það sé verið að tala og við viljum að fólk hafi skoðanir, málefnalegar skoðanir helst. Umræðan er bara frábær og flott en við erum með fókusin á því sem að við viljum gera og höfum kannski ekki verið að ná því fram í síðustu leikjum en mér finnst við í dag hafa verið að finna aðeins betri takt með boltann og það er mikilvægt og það er eitthvað sem að við þurfum að taka með okkur inn í næstu leiki."
Íslenska liðið mætir Þýska liðinu á þriðjudaginn kemur.
„Það skiptir máli fyrir okkur að fá stig. Við erum nátturlega að keppast um að halda okkur uppi í A-deild og það er gríðarlega mikilvægt upp á framhaldið og stig á móti Þýskalandi á heimavelli, stig í dag hefði verið verið frábært, stig á móti Þýskalandi, jafnvel þrjú stig er klárlega markmiðið."
Nánar er rætt við Glódísi Perlu Viggósdóttur í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
