„Þetta var ógeðslega sætt," sagði Ástbjörn Þórðarson, hetja FH, eftir 1-0 sigur gegn Breiðabliki í Bestu deildinni í kvöld.
Ástbjörn átti virkilega góðan leik í hægri bakverðinum og skoraði sigurmarkið.
Ástbjörn átti virkilega góðan leik í hægri bakverðinum og skoraði sigurmarkið.
Lestu um leikinn: FH 1 - 0 Breiðablik
„Þetta var strembinn sigur en það var gott að þetta hafðist. Mér fannst við byrja mjög vel, spila vel í byrjun og við fengum mark. Í seinni hálfleik vorum við aðeins meira að verjast en mér fannst við gera það vel. Þeir fengu ekki mörg færi."
„Það var mikill kraftur í okkur og við vorum búnir að æfa vel. Heimir lætur okkur æfa alveg nóg. Við erum á tánum."
Ástbjörn hefur fest sig í sessi í stöðu hægri bakvarðar hjá FH á þessu tímabili og tekið því hlutverki vel. Hann var orðaður við KR fyrir tímabilið en endaði á því að vera áfram í FH.
„Ég er sáttur en ég veit að ég get alltaf meira," sagði Ástbjörn. „Ég er að reyna að skila traustinu til baka. Ég las þetta (um áhuga KR) bara á Fótbolta.net eins og þú. Ég var aldrei var við þetta og það var ekki neitt þar held ég."
„Við ætlum bara að halda áfram. Við eigum nokkra heimaleiki núna og það á að vera leiðinlegt að koma hingað."
Allt viðtalið má sjá í spilaranum hér fyrir ofan.
Athugasemdir