Arnór, sem er þrítugur, lagði skóna á hilluna fyrir fjórum árum eftir að hafa spilað fyrir Aftureldingu, Kára og ÍA.

Hann gerðist svo bæði aðstoðar- og styrktarþjálfari ÍA í kjölfarið en hefur undanfarin ár starfað í Noregi. Hann var fyrst hjá Bodö/Glimt en færði sig svo yfir til Sandefjord.

Hann er einnig styrktarþjálfari íslenska landsliðsins.

Í yfirlýsingu Sandefjord er vitnað í Arnór þar sem hann fagnar því að hafa skrifað undir nýjan samning. Starf hans verður víðtækara núna þar sem hann mun einnig vinna með akademíunni. Hann hefur fulla trú á því að Sandefjord geti komist í fremstu röð í Noregi.