Fótbolti.net

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

Birta Georgs: Fannst ég ekki geta hafnað því

Elín Helena: Ein heima að gera mig til fyrir fimmtugsafmæli

Sveindís Jane: Erum ekki að fara vinna þær í því og það er í lagi

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

„Segir ekki nei þegar Víkingur vill fá þig“

„Viljum ekki fylla í hópinn bara með hveiti heldur þurfum við einhver krydd“

þri 29. janúar 2019 12:10

Magnús Már Einarsson

Arnþór Ari: Búinn að merkja þetta á dagatalið mitt

Arnþór Ari gekk í raðir HK um helgina.

Mynd: Heimasíða HK

Arnþór Ari Atlason í leik með Blikum.

Mynd: Fótbolti.net - Hafliði Breiðfjörð

„Mér líst vel á það sem er að gerast í klúbbnum. Það er mikill upgangur og aðstaðan er örugglega sú besta á Íslandi. Hópurinn er virkilega flottur og það er góð stemning. Þjálfararnir Brynjar og Viktor hafa verið að gera góða hluti ég tel að þetta sé rétt skref fyrir minn feril að fara þangað, gera góða hluti með HK og festa liðið í sessi í Pepsi-deildinni," sagði Arnþór Ari Atlason við Fótbolta.net í dag.

Arnþór Ari samdi um helgina við nýliða HK í Pepsi-deildinni en hann kemur til félagsins frá nágrönnunum í Breiðabliki. Breiðablik samþykkti tilboð í Arnþór fyrir áramót en nokkur félög höfðu áhuga á honum.

„Þetta tók full langan tíma. Ég var kominn í skrýtna aðstöðu. Ég skrifaði undir þriggja ára samning við Breiðablik í fyrra en síðan ákváðu þeir að losa mig eins og gengur og gerist í fótbolta. Ég var ekki sammála þeirri ákvörðun fyrst og það tók smá tíma að kyngja þeirri ákvörðun.," sagði Arnþór.

„Ég fór síðan að skoða möguleikana sem voru í boði og ég tók mjög góðan tíma í að velja besta kostinn. Ég held að ég hafi gert það með því að velja HK og ég er spenntur að fara á fullt með þeim."

„Hópurinn er geggjaður og það spilaði stórt hlutverk í að ég valdi HK. Ég kannast við nánast alla í liðinu og þetta eru skemmtilegir strákar á mínum aldri. Ég held að það sé lykill að því að við stöndum okkur vel í sumar að það er góð stemning í liðinu."

Aftur á miðjuna
Arnþór hefur mest spilað á miðjunni á ferlinum en á síðasta tímabili var hann talsvert á hægri kantinum hjá Breiðabliki. Arnþór býst við að spila á miðjunni hjá HK.

„Ég reikna með að fara aftur í mína stöðu á miðjuna, hvort sem það verður sem átta eða tía. Það kemur í ljós," sagði Arnþór sem segir erfitt að yfirgefa Breiðablik.

„Það var mjög erfitt og að einhverju leyti leiðinlegt. Ég er búinn að kynnast frábæru fólki í kringum liðið og í liðinu. Ég er búinn að vera þarna í fjögur ár og líða mjög vel. Það er erfitt að fara en ég er spenntur að takast á við nýtt verkefni í efri byggðum Kópavogs."

Spenntur fyrir grannaslögunum
Arnþór bíður spenntur eftir að mæta gömlu félögunum í Breiðabliki í nágrannaslögum í Pepsi-deildinni í sumar.

„Það verður geggjað. Ég er búinn að taka frá dagsetningarnar. Leikdagarnir eru 4. maí og 7. júlí. Ég er strax búinn að merkja það á dagatalið mitt. Ég tek vel á móti þeim í Kórnum 4. maí og fer svo aftur á Kópavogsvöll 7. júlí. Það verður mjög skemmtilegt og ég hlakka til að taka almennilega á þeim," sagði Arnþór Ari að lokum.

Hér að ofan má sjá viðtalið í heild sinni.