„Ég er mjög svekktur, fúll yfir því að tapa leiknum," sagði Guðlaugur Baldursson, þjálfari Þróttar, eftir 2-1 tap gegn Kórdrengjum í Breiðholti í dag.
Staðan var jöfn í leikhléi en Kórdrengir náðu inn sigurmarki í seinni hálfleik.
Staðan var jöfn í leikhléi en Kórdrengir náðu inn sigurmarki í seinni hálfleik.
Lestu um leikinn: Kórdrengir 2 - 1 Þróttur R.
„Mér fannst við fá að stýra leiknum að stórum hluta. Við gerðum það ágætlega á köflum en ég hefði viljað fá aðeins meira flæði í það sem við vorum að gera sóknarlega og aðeins grimmari á síðasta þriðjungi eða í síðustu spyrnunum til að búa til alvöru færi eða alvöru mark."
Þróttarar eru í tíunda sæti með þrjú stig eftir fjóra leiki í Lengjudeildinni.
„Ég er ekki sáttur við uppskeruna, engan veginn. Þessir fjórir leikir í heild sinni, ég er ekki búinn að gera þá alla upp. Sumt er gott og annað getur verið betra. Það er okkar vinna, að reyna að bæta okkur frá leik til leiks og gera betur."
Sjá má allt viðtalið í spilaranum hér að ofan.
Athugasemdir