Magni vann magnaðan sigur á Þrótti Reykjavík þegar liðin áttust við í lokaleik dagsins í Lengjudeild karla.

Alexander Ívan Bjarnason kom Magna yfir strax á fyrstu mínútu leiksins. „ALEXANDEEEEER ÍVAAAAN BJARNASON MEÐ ÓTRÚLEGT MARK HÉR!! Tekur aukaspyrnu úti vinstri meginn og kemur með boltann fyrir sem enginn skallar og boltinn skoppar í fjær hornið," skrifaði Anton Freyr Jónsson í beinni textalýsingu.

Staðan var 1-0 í hálfleik eftir rétt tæplega klukkutíma leik dró heldur betur til tíðinda. Mark var dæmt af Þrótturum fyrir brot á markverði Magna og í kjölfarið fékk Gunnlaugur Hlynur Birgisson, leikmaður Þróttar að líta rauða spjaldið fyrir að ýta í Freyþór Hrafn, leikmann Magna.

Magni náði einum fleiri að landa sigrinum, lokatölur 1-0 fyrir Grenivíkurpilta. Staðan er þannig núna að Magni, Leiknir F. og Þróttur R. eru öll með 12 stig þegar þrjár umferðir eru eftir Þetta eru þrjú neðstu lið deildarinnar og það eru sjö stig í næsta lið, Víking Ólafsvík. Það er spennandi fallbarátta framundan.

Önnur úrslit í dag:
Lengjudeildin: Þrjár vítaspyrnur í jafntefli á Akureyri
Lengjudeildin: ÍBV úr leik í toppbaráttunni
Lengjudeildin: Leiknir R. valtaði yfir nafna sína