Papu Gomez kominn til Monza (Staðfest)

Gomez er 35 ára gamall og gerir samning við Monza sem gildir út tímabilið. Hann fann aldrei taktinn hjá Sevilla og kom í heildina að 16 mörkum með beinum hætti í 90 leikjum á tveimur og hálfu ári hjá félaginu.

Þar áður var Gomez algjör lykilmaður hjá Atalanta þar sem hann spilaði 252 leiki fyrir félagið og kom að 131 marki.

Gomez var í landsliðshópi Argentínu sem vann HM í Katar í desember og vann Evrópudeildina með Sevilla í sumar en var ónotaður varamaður í úrslitaleikjunum.

Monza er með sex stig eftir sex umferðir á nýju deildartímabili á Ítalíu.