„Þetta var risa leikur og ég held það hafi sýnt sig á fagnaðarlátunum við markinu og í lokin að þessi var stór!" sagði Andri Rúnar Bjarnason sem tryggði Vestra 2-1 sigur á HK í fallbaráttu Bestu-deildar karla í dag.
Lestu um leikinn: Vestri 2 - 1 HK
„Það var stress í gangi hjá báðum liðum, örugglega ekki skemmtilegasti fótboltaleikurinn en síðustu 20 var hann svo opinn og mikið ping-pong. Við vorum clinical í lokin, það leit ekki út fyrir að við værum að fara að skora eftir 68 mínútur en við fengum tvö færi... reyndar var fyrra markið ekki færi, það kom upp úr engu. Við þurfum svoleiðis í fótbolta, einstaklingsgæði. Jepps sýndi það þarna að svona breytir leikjum," hélt hann áfram.
„Við vorum passívir inn á milli í fyrri hálfleiknum og ætluðum að stíga aðeins hærra upp á þá í seinni. Þeir náðu ágætis stöðum í byrjun seinni og fengu einhver hálffæri. Svo tókum við yfir leikinn meira. Við vorum undir og þurftum að gera það og vorum tilbúnir að stíga upp þegar á reyndi."
Nánar er rætt við Andra Rúnar í spilaranum að ofan.Hann ræðir þar um formið á sér sem er orðið betra en síðustu tvö til þrjú ár.
„Mér líður mjög vel í líkamanum og gengur mjög vel að halda mér ferskum á milli æfinga og leikja. Ég held ég hafi ekki verið betri síðustu 2-3 ár hvað líkamann varðar."
Athugasemdir