Valur hóf titilvörn sína á 2-0 heimasigri gegn ÍA í dag. Fyrri hálfleikurinn í dag var lítil skemmtun en Valur byrjaði seinni hálfleikinn betur og uppskar mark á 55. minútu þegar Patrick Pedersen skoraði eftir undirbúning Kaj Leo.

Ellefu mínútum síðar var Ísak Snær búinn að fá tvö gul spjöld í liði ÍA og þar með rautt. Valsmenn nýttu sér þann liðsmun og bættu við öðru marki þegar Kristinn Freyr skoraði.

„Mikill gæðamunur á liðunum í seinni hálfleik. Kaj Leo með sendingu inn í teiginn á Patrick Pedersen sem leggur boltann smekklega á Kristin Frey og hann klárar framhjá Árna. Mikil gæði sem sköpuðu þetta mark og stoðsendingin konfekt," skrifaði Elvar Geir Magnússon í beinni textalýsingu.

Valur er því með þrjú stig eftir fyrsta leik en Skagamenn eru án stiga.