Rashford hefur skorað 30 mörk í öllum keppnum fyrir United á tímabilinu og gjörsamlega umbreytt leik sínum. Þar að auki er hann með 11 stoðsendingar.

Hann var í miklum erfiðleikum á síðustu leiktíð og var harðlega gagnrýndur af fjölmiðlum.

Erik ten Hag, stjóri United, náði því besta úr honum á þessu tímabili og var hann verðlaunaður fyrir það í gær er hann hlaut verðlaun sem besti leikmaður tímabilsins eða Sir Matt Busby-bikarinn eins og hann er kallaður. Þetta er í fyrsta sinn síðan 1998 þar sem uppalinn leikmaður hlýtur verðlaunin en það eru stuðningsmenn sem kjósa um besta leikmanninn.

Hann var einnig valinn bestur af leikmönnum liðsins og þá fékk Antony viðurkenningu fyrir besta mark tímabilsins sem hann gerði gegn Barcelona í Evrópudeildinni.