„Þetta er mjög erfitt og ég listaði niður nokkra leikmenn til þess að brjóta þetta niður í fimm," sagði Baldvin í þættinum.

Hann valdi Luke Williams, leikmann Víkings Ólafsvík, sem þann besta í deildinni en Brynjar Kristmundsson, þjálfari Ólsara, gat tekið undir það.

„Hann er stórkostlegur leikmaður og á náttúrulega einhverja 30 leiki í Championship á Englandi með Middlesbrough. Þetta er hörku prófíll og algjör sigurvegari. Hann þolir ekki þegar leikmenn eru ekki að gefa 140 prósent í þetta," sagði Brynjar.

„Hann er leikmaður sem dregur aðra upp og það er ógeðslega dýrmætt að hafa þannig mann í liðinu."

Hér fyrir neðan má sjá þá sem hann valdi fimm besta.

Baldvin valdi líka vonbrigðin í deildinni en hann nefndi einfaldlega Ægi, sína fyrrum lærisveina. Þeir eru búnir að tapa mörgum leikjum í röð og eru í tíunda sæti. „Þeir hafa ekki unnið síðan í áttundu umferð. Mér finnst leikmannahópur Ægis ekki slakari en hann var í Lengjudeildinni í fyrra," sagði Baldvin en hann hrósaði einnig Völsungi fyrir að koma á óvart.

Hægt er að hlusta á útvarpsþáttinn í heild sinni hér fyrir neðan.