Jack Grealish.
Jack Grealish segir að það hafi verið erfiðasta stund ferils síns þegar honum var tilkynnt að hann hefði ekki verið valinn í EM hóp Englands. Þessi 28 ára leikmaður Manchester City segist hafa verið niðurbrotinn.
„Maður fór í sumarfrí en í hvert sinn sem maður skoðaði símann eða kveikti á sjónvarpi sá maður talað um mótið. Það var erfitt að kyngja þessu," segir Grealish, sem á 36 landsleiki fyrir Englands.
„Fótboltalega var þetta það erfiðasta sem ég hef þurft að takast á við. Ég þarf bara að reyna að nýta þetta sem drifkraft komandi inn í nýtt tímabil."
„Mér fannst ég eiga að vera í hópnum. Mér finnst ég bjóða upp á öðruvísi hluti en aðrir í hópnum. En svona er þetta. Ég hef upplifað margt á mínum ferli en eins og ég segi er þetta mín erfiðasta stund sem fótboltamaður."
Athugasemdir
