Íslendingalið Venezia og Padova eru komin áfram í ítalska bikarnum eftir sigra í leikjum sínum í dag.
Emil Hallfreðsson var ekki í leikmannahópi Padova í óvæntum 1-3 sigri gegn B-deildarliði Frosinone.
Bjarki Steinn Bjarkason var þá í byrjunarliði Venezia sem tók á móti Carrarese og kom Óttar Magnús Karlsson inn af bekknum í síðari hálfleik. Þeir eru þar með báðir búnir að spila sinn fyrsta leik fyrir nýtt félag.
Venezia vann leikinn 2-0 þökk sé tvennu frá norska kantmanninum Dennis Johnsen sem var einnig að spila sinn fyrsta leik fyrir Venezia.
Óttar Magnús kom inn á 59. mínútu leiksins og átti Bjarki Steinn skot í stöng á 71. mínútu.
Venezia 2 - 0 Carrarese
1-0 Dennis Johnsen ('65)
2-0 Dennis Johnsen ('90)
Frosinone 1 - 3 Padova
1-0 A. Tabanelli ('20)
1-1 L. S. Della ('21)
1-2 E. Soleri ('33)
1-3 L. S. Della ('42)
Athugasemdir
