Man Utd ætlar að bjóða 70 milljónir fyrir Wharton - Newcastle undirbýr tilboð í Raphinha - Murillo á óskalista Barcelona - Toney ekki á förum
banner
   sun 30. nóvember 2025 14:26
Ívan Guðjón Baldursson
Lið úr Championship orðuð við Stefán Inga
Mynd: Sandefjord
Það er mikill áhugi á Stefáni Inga Sigurðarsyni framherja Sandefjord í norsku deildinni og eru félög úr ensku Championship deildinni orðuð við hann.

Stian de Wahl hjá Nettavisen talaði um mikinn áhuga á Stefáni Inga eftir að hafa skorað 15 mörk í 26 leikjum í Eliteserien.

Djurgården frá Svíþjóð hefur einnig verið orðað við Stefán Inga ásamt liðum frá Hollandi og Póllandi en Stefán er með tvö ár eftir af samningi sínum við Sandefjord.

Stefán er 24 ára gamall og ólst upp hjá Racing FC í Lúxemborg og Breiðablik á Íslandi. Hann hefur einnig leikið fyrir Grindavík, ÍBV og HK hér á landi.

Hann skoraði 3 mörk í 14 leikjum fyrir U16 og U17 landslið Íslands.
Athugasemdir
banner