West Ham-goðsögnin Billy Bonds lést í dag, 79 ára að aldri. Bonds er leikjahæsti fótboltamaður í sögu Hamranna.
Bond lék 799 keppnisleiki fyrir West Ham og bar fyrirliðabandið er félagið vann enska FA bikarinn 1975 og 1980.
Hann lék fyrir félagið í 21 ár og þjálfaði svo Hamrana í fjögur ár frá 1990 til 1994.
West Ham tekur á móti Liverpool í ensku úrvalsdeildinni í dag og verður þögn til heiðurs minningu Bonds fyrir upphafsflautið á London Stadium. Hans verður svo minnst fyrir upphafsflautið á heimaleik West Ham gegn Aston Villa 14. desember.
„Hvíldu í friði Billy, okkar hugrakki, hvetjandi og ljónshjartaði leiðtogi," segir meðal annars í tilkynningu frá West Ham.
Athugasemdir
