Enski vinstri bakvörðurinn Joe Bryan mun spila í frönsku úrvalsdeildinni á komandi tímabili en hann er genginn til liðs við Nice á láni frá Fulham.
Bryan er 28 ára gamall og uppalinn í Bristol en hann spilaði með Bristol City til ársins 2018 áður en hann var keyptur til Fulham.
Hann átti stóran þátt í að koma liðinu í úrvalsdeildina fyrir tveimur árum síðan en hefur spilað minna hlutverk í liðinu síðustu tvö tímabil.
Bryan er nú farinn til Frakklands og mun spila með Nice út tímabilið á láni frá Fulham. Franska félagið fær ekki kauprétt á honum.
Þetta er tíundi leikmaðurinn sem Nice fær í glugganum en liðið hefur meðal annars fengið þá Kasper Schmeichel og Nicolas Pepe úr enska boltanum.
Joe Bryan has joined @ogcnice on loan. 🇫🇷
— Fulham Football Club (@FulhamFC) August 31, 2022
Good luck, @joebryan!#FFC
Athugasemdir