Jaime Mata skoraði fjögur fyrir Las Palmas
La Liga-liðin Espanyol, Las Palmas og Real Betis flugu nokkuð örugglega áfram í aðra umferð spænska konungsbikarsins í kvöld.
Las Palmas, sem er nýliði í La Liga, slátraði Ontinena 7-0 á útivelli þar sem hinn 36 ára gamli Jaime Mata gerði sér lítið fyrir og skoraði fernu.
Manuel Fuster og Sandro Ramirez voru með tvær stoðsendingar á haus í nokkuð þægilegum sigri sem hefði þó getað þróast í allt aðra átt.
Þegar lítið var eftir af fyrri hálfleiknum fékk Las Palmas á sig vítaspyrnu í stöðunni 1-0, en Damian Llobet, leikmaður Ontinena, klikkaði á punktinum. Las Palmas setti hvert markið á fætur öðru í þeim síðar og kláraði dæmið.
Real Betis kjöldró Gevora, 6-1, á útivelli. Gestirnir í Betis fóru með þriggja marka forystu inn í hálfleikinn.
Brasilíski sóknarmaðurinn Vitor Roque skoraði tvö mörk og Juanmi eitt mark í þeim síðari áður en Gevora, sem leikur í sjöttu deild, náði óvænt inn marki úr vítaspyrnu í uppbótartíma.
Alejo Veliz, sem er á láni hjá Espanyol frá Tottenham, skoraði þrennu í 4-0 sigri Espanyol á San TIrso.
Veliz kom til Espanyol á láni frá Tottenham í sumar og hefur gert fjögur mörk í tólf leikjum í deild- og bikar.
Athugasemdir
