,,Við áttum von á erfiðum leik. Selfyssingarnir veittu okkur gífurlega harða mótspyrnu og við vorum heppnir að ná að landa hérna þremur stigum," sagði Rúnar Kristinsson þjálfari KR eftir 3-1 sigur liðsins gegn Selfyssingum í dag.
,,Ég vissi að Selfyssingar yrðu svona góðir. Við vorum búnir að ræða um það fyrir leikinn ég og mínir leikmenn. Þetta er valdatafl úti á vellinum."
KR-völlur var mjög blautur í dag og meðal annars voru pollar á vellinum í fyrri hálfleik en Vesturbæingar notuðu vökvunargræjur sínar vel fyrir leikinn.
,,Við vökvuðum völlinn vel en það kom ekki að sök. Hann var kannski aðeins of blautur en það skiptir ekki máli."
KR-ingar eru eftir sigurinn með sextán stig á toppnum ásamt FH en Rúnar vill ekki meina að línur séu farnar að skýrast.
,,Vestmannaeyingarnir eru komnir til baka í þetta og Fylki er að koma upp og Stjarnan og Valur. Þetta er og verður jafnt og það er ekkert farið að skýrast ennþá."
Hér að ofan má sjá viðtalið í heild sinni.
Athugasemdir
