Pape í leiknum í kvöld.
Pape Mamadou Faye átti mjög góðan leik í kvöld þegar Grindavík vann 3-0 sigur á Víkingi í 8-liða úrslitum Borgunarbikarsins.
Lestu um leikinn: Víkingur R. 0 - 3 Grindavík
„Við byrjuðum leikinn ekki vel en sem betur fer skoruðum við þetta mark."
Pape skoraði fyrsta markið og lagði annað upp áður en hann yfirgaf völlinn vegna meiðsla.
„Ég vissi að ég var tæpur rétt áður en við byrjuðum seinni hálfleikinn. Ég bara gerði það sem ég átti að gera."
„Ég er mjög ánægður með mína frammistöðu og ætla að halda þessu áfram," sagði Pape en hann var að skora í þriðja leiknum í röð.
„Nú erum við komnir í gang," sagði Pape en Grindavík vann síðasta deildarleik sinn gegn Val. Viðtalið má sjá í heild sinni í sjónvarpinu hér að ofan.
