Fótbolti.net

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

„Segir ekki nei þegar Víkingur vill fá þig“

„Viljum ekki fylla í hópinn bara með hveiti heldur þurfum við einhver krydd“

Gummi Magg: Erum mættir til að skrifa söguna

Böddi um skiptin óvæntu: Var ekki í tilfinningalegu jafnvægi

Arnór Gauti: Mun aldrei gleyma lokaflautinu á Laugardalsvelli

Sameiningaviðræður ÍR og Leiknis: Sumir láta hreinlega tilfinningarnar ráða

Gylfi Tryggva: Höfum sótt einn leikmann innanlands og það var landsliðsmaður

Óskar Smári: Klúbburinn hefur þróast í rétta átt

Markadrottningin komin heim: Voru möguleikar úti en Breiðablik besti kosturinn

fim 29. júní 2017 22:10

Brynjar Ingi Erluson

Heimir Guðjóns: Það hafa allir áhuga á Sölva Geir

Heimir Guðjónsson

Mynd: Fótbolti.net - J.L.

Heimir Guðjónsson, þjálfari FH, var ánægður með 1-0 sigurinn á Fylki í 8-liða úrslitum Borgunarbikarsins í kvöld. Halldór Orri Björnsson skoraði sigurmarkið í blálokin.

Lestu um leikinn: Fylkir 0 - 1 FH

Halldór Orri skoraði sitt fyrsta mark fyrir FH og reyndist það afar mikilvægt en liðið er nú komið í 8-liða úrslit bikarsins.

„Frábært að vera komnir í undanúrslit og þetta var erfiður leikur. Fylkisliðið er mjög öflugt og voru virkilega góðir í þessum leik, þannig það var fínt að ná að klára þetta með marki í lokin," sagði Heimir við fjölmiðla.

„Við byrjuðum vel en eftir fimmtán mínútur og það sem eftir lifði af fyrri hálfleiknum, við vorum ekki að standa varnarleikinn vel og vorum ekki nógu nálægt hvorum öðrum og ekki tilbúnir að hjálpa hvorum öðrum og þess vegna komust Fylkismenn inn í þennan leik."

Heimir var mikið að skipta um leikkerfi í leiknum en undir lokin virtist hann vera með tvo kantmenn hátt uppi og Lennon og Atla Guðna frammi. Það gekk upp.

„Mér fannst það hjálpa aðeins til. Við þurftum að breyta hlutum til að láta þetta ganga," sagði Heimir ennfremur.

Eins og áður segir skoraði Halldór Orri fyrsta mark sitt fyrir félagið en Heimir var ánægður með hann.

„Vonandi hjálpar þetta honum í framtíðinni og hann kláraði þetta vel. Hann er mjög góður að slútta færunum sínum."

FH vann síðast bikarinn árið 2010 og vill hann ólmur næla í þann titil í ár.

„Það er gríðarlega mikilvægt og við höfum ekki unnið þennan titil síðan 2010 og okkur langar í hann."

Það gæti mikið gerst í glugganum hjá FH en Jonathan Hendrickx yfirgaf félagið í gær og fór til Leixoes í Portúgal. Hann segir að félagið eigi eftir að skoða það hvort það ætli sér að fá hægri bakvörð og blæs þá á sögur að Tobias Salquist sé í sigtinu.

„Við eigum eftir að skoða það. Þetta kom bara upp í gær með Jonathan og við eigum eftir að skoða það."

„Nei, það er ekkert að frétta af honum," sagði Heimir um Salquist.

Sölvi Geir Ottesen, sem hefur spilað erlendis í meira en áratug, gæti verið á heimleið en hann hefur verið sterklega orðaður við FH. Heimir er áhugasamur um hann.

„Ekkert sem ég hef heyrt. Það hafa allir áhuga á Sölva Geir, hann er frábær leikmaður og ef það kemur upp á borð hjá okkur þá skoðum við það," sagði hann í lokin.