Watford fékk Tottenham í heimsókn og komust gestirnir yfir snemma í síðari hálfleik.

Heimamenn náðu að jafna og komast yfir og lokuðu sig í vörn eftir það. Tottenham fann ekki leið í gegn og frábær sigur Watford staðreynd.

„Ég er ótrúlega ánægður með þessa byrjun. Við erum að njóta stundarinnar, það er ekki auðvelt að vinna fjóra leiki í röð," sagði Gracia við Sky Sports.

„Við lögðum mikið á okkur í dag því þeir héldu boltanum vel innan liðsins. Við fórum almennilega í gang þegar þeir komust yfir og náðum að skipta um gír."

Bæði mörk Watford komu eftir föst leikatriði og sagðist Gracia vera sérstaklega ánægður með að liðið sé að nýta þau.