Jóhann Berg Guðmundsson hefur verið að spila frábærlega fyrir Burnley á tímabilinu.
Hann lagði upp mark liðsins fyrir Sam Vokes gegn Huddersfield um helgina, í 1-1 jafntefli.
Jóhann Berg er kominn með 12 stoðsendingar í ensku úrvalsdeildinni síðan í byrjun síðasta tímabils. Aðeins Leroy Sané (17), Kevin De Bruyne (16) og Raheem Sterling (13), leikmenn Manchester City, hafa gert betur en Íslendingurinn.
Johann Berg Gudmundsson has 12 Premier League assists since the start of last season; Leroy Sané (17), Kevin De Bruyne (16) and Raheem Sterling (13) the only players with more.
— Squawka Football (@Squawka) October 6, 2018
Best of the rest. 👏 pic.twitter.com/FkYAPRmFpH
Magnaður árangur hjá Jóa Berg en það var rætt um hann í Messunni á Stöð 2 Sport í dag.
„Við höfum ekki átt svona tvo áberandi sóknarmenn (Gylfa og Jóhann Berg) á sama tíma. Þeir eru ekki í miðjuklassa, þeir eru komnir í hæsta klassa," sagði Reynir Leósson.
Umræðuna í Messunni má sjá með því að smella hér.
Framundan eru landsleikir gegn Frakklandi og Sviss. Jóhann Berg er mættur aftur eftir að hafa misst af síðustu landsleikjum.
Athugasemdir