Southampton og Manchester United gerðu 2-2 jafntefli í ensku úrvalsdeildinni í gær. Southampton náði tveggja marka forystu en Romelu Lukaku og Ander Herrera jöfnuðu fyrir United.
Breskir fjölmiðlar halda því nú fram að Jose Mourinho hafi tekið Pogba í gegn eftir leikinn í gær fyrir framan alla leikmenn United í klefanum.
Samkvæmt heimildum bresku blaðanna lét Mourinho þessi orð falla:
„Þú spilar ekki fótbolta, þú ert algjör vírus. Þú berð ekki virðingu fyrir leikmönnum né stuðningsmönnum okkar. Þú drepur hugafar allra sem þú umgengst."
Frakkinn missti boltann átta sinnum í leiknum, vann fimmtán af þrjátíu einvígum og var með tæplega 85% sendingarhlutfall í leiknum.
Manchester United mætir Arsenal á miðvikudagskvöldið og verður áhugavert að sjá hvort að Pogba verði í liðinu.
Mourinho: Pogba ‘a virus’#MUFC #FRAhttps://t.co/BbTFyamZRy pic.twitter.com/b91QGVaQsa
— Duncan Castles (@DuncanCastles) December 2, 2018
Athugasemdir