Fulham byrjaði leikinn betur og voru óheppnir að ná ekki að setja fyrsta markið. Liðsmenn West Ham voru þolinmóðir og biðu eftir réttu tækifærunum.

Á 17. mínútu fékk Felipe Anderson boltann úti á vinstri kantinum, keyrði inn og senti boltann út á Robert Snodgrass sem átti snyrtilegt skot framhjá Sergio Rico, markverði Fulham.

Rúmum tíu mínútum síðar tvöfaldaði West Ham forystuna. Anderson fékk aftur boltann úti á vinstri kantinum og kom með fyrirgjöf sem að Chicharito náði að flikka á Michail Antonio sem beið eins og hrægammur fyrir aftan og kláraði færið þegar boltinn barst.

Fulham kom með sama andleysi inn í síðari hálfleikinn eins og þeir enduðu þann fyrri og 0-2 sigur West Ham staðreynd, þeirra fjórði í röð.